قاچاقچیان گروه انصارالله و طالبان توسط نیروهای مرزی تاجیکستان کشته‌شدند

سیمرغ، کابل: منابع محلی خبر داده‌اند که نیروهای مرزی تاجیکستان ۲ عضو انصارالله تاجیکستانی و ۲ طالب را در مرزی این کشور کشته‌اند.

امروز شنبه ۵ حوت/اسفند، منابع به سیمرغ، گفته‌اند، نیروهای مرزی تاجیکستان ۲ عضو گروه تروریستی انصارالله و ۲ جنگ‌جوی طالب را حین انتقال مواد مخدر در مرز این کشور کشته‌اند.

به گفته‌ منابع، این ۲ طالب با ۲عضو گروه‌ انصارالله تاجیکستانی قصد داشتند از مرز استان تخار افغانستان مواد مخدر را به تاجیکستان انتقال دهند که توسط مرزبانان تاجیک هدف قرار گرفته و از پا درآمدند.

گفته می‌شود، گروه تروریستی انصارالله تاجیکستانی در استان بدخشان زیر حاکمیت طالبان فعالیت دارند و حتی شناس‌نامه‌های افغانستان نیز توسط اداره ثبت احوال نفوس طالبان به آن‌ها توزیع شده‌است.

گفتنی‌است، برخی از سازمان‌های تروریستی زیر حاکمیت طالبان، از کشت و قاچاق مواد مخدر تمویل می‌شوند.