سیمرغ به نقل از خبرگزاری مقاومت: کنفرانس دوشنبه زیر عنوان، تجربه همکاری افغانستان و تاجیکستان در مبارزه با تروریسم بین المللی با حضور و اشتراک کارشناسان و دانشمندان در شهر دوشنبه تاجیکستان برگزار شد.
این کنفرانس امروز (سه شنبه، ۲۴ اسد) با همکاری بنیاد شهید احمدشاه مسعود و آکادمی علوم تاجیکستان و مرکز مطالعات تاجیکستان در سالون کتابخانه ملی این کشور در شهر دوشنبه، با حضور داشت ده‌ها تن از کارشناسان و دانشمندان افغانستان و تاجیکستان برگزار گردید.
کنفرانس دوشنبه، در نوع خود اولین کنفرانس بزرگ میان افغانستان و تاجیکستان است، این کنفرانس روی، همکاری دو کشور در ناکام ساختن تروریزم بین المللی در دهه ۹۰، افراط‌گرایی و تروریسم تهدیدی برای منطقه و دورنمای صلح افغانستان بحث‌های صورت گرفته و نقش ماندگار پروفیسور برهان الدین ربانی و احمدشاه مسعود در تامین صلح، تاجیکستان نیز بحث شده است.
هدف این کنفرانس، در جهت ایجاد گفتمان میان اندیشمندان افغانستان، تاجیکستان و سر انجام راه اندازی گفتمان منطقه در مقابله با تروریزم، افراط گرایی تضمین ثبات در منطقه و برگرداندن صلح به افغانستان می‌باشد.
